பாதுகாப்பான மற்றும் வசதியான கொடுப்பனவுகள்

GovPay என்பது அரசாங்க சேவைகளுக்கான பரிவர்த்தனைகளை எளிதாக்குவதற்காக வடிவமைக்கப்பட்ட ஒரு இணையவழி(Online) கட்டண தளமாகும். இது குடிமக்களும் வணிகங்களும் வரிகள், அபராதங்கள், பயன்பாட்டு பட்டியல்கள், கல்விக் கட்டணங்கள் மற்றும் பிற சேவைக் கட்டணங்கள் உட்பட அரசு தொடர்பான பல்வேறு பரிவர்த்தனைகளிற்கு பாதுகாப்பாகவும் வசதியாகவும் வங்கிகள் மற்றும் டிஜிட்டல் பணப்பைகள் மூலம் பணம் செலுத்த உதவுகிறது.

GovPay என்பது இலங்கையின் தகவல் மற்றும் தொடர்பு தொழில்நுட்ப நிறுவனம் (ICTA) மற்றும் இலங்கை மத்திய வங்கியின் (CBSL) கீழ் இயங்கும் நாட்டின் தேசிய கட்டண வலையமைப்பான LankaPay ஆகியவற்றின் தலைமையிலான ஒரு கூட்டு முயற்சியாகும். டிஜிட்டல் பொருளாதார அமைச்சகத்தால் ஆதரிக்கப்படும் இந்த தளம், வருவாய் வசூல் செயல்முறைகளை நவீனமயமாக்குவதையும், அரசாங்க நிதி பரிவர்த்தனைகளில் மேம்பட்ட கட்டுப்பாடு, துல்லியம், பாதுகாப்பு மற்றும் வெளிப்படைத்தன்மையை உறுதி செய்வதையும் நோக்கமாகக் கொண்டுள்ளது. இது அரசாங்க நிறுவனங்களுடனான நிதி பரிவர்த்தனைகளை ஒழுங்குபடுத்துவதன் மூலம் மின்-ஆளுகையை மேம்படுத்துவதற்கான இலங்கையின் டிஜிட்டல் உருமாற்ற முயற்சிகளுடன் இணங்குகிறது.

GovPay திட்டம் பிப்ரவரி 2025 தொடக்கத்தில் 16 அரசு நிறுவனங்களை ஒருங்கிணைத்து தொடங்கப்பட்டது. மேலும் 30 நிறுவனங்களை அடுத்தடுத்த இரண்டு கட்டங்களில் இணையக்க திட்டமிடப்பட்டுள்ளது, இது ஏப்ரல் 2025 க்குள் முழுமையாக செயல்படுத்தப்படும். இந்தப் படிப்படியான வெளியீடு, தடையற்ற, நட்பானபயனர் அனுபவத்தை உறுதி செய்வதற்காக வடிவமைக்கப்பட்டுள்ளது, இது குடிமக்கள் அரசு சேவைகளுக்கு பிரபலமான நிதி தொழில்நுட்ப பயன்பாடுகள் அல்லது இணையவழி (Online) வங்கி தளங்கள் மூலம் பணம் செலுத்த உதவுகிறது.